أراجوز

 

أراجوز منبوذ

في الطين مغروس

و اللقطة كلوز علي وشه

ضارب ميت بوز

وتملي يعوز

ومرَكِّز تفكيره في كرشه

خسران علي طول

عمره ما بيفوز

انما هجاص والدور عايشه

وان إيده تطول

أو جاله نفوذ

لو مال أيتام هايقوم هابشه

في الماضي يجوز كان عنده كنوز

دلوقتي عجوز والخوف راعشه

لابس مهموز واخد بالشوز

تيجي تناقشه يقول من عمشه

ما هي دنيا حظوظ

وبيعشق موت اللي يغشه ويقوم عاكشه

وناهب قرشه مبَيَّعُه عفشه

وحاطـُّه في نعشه

فا يعيش أراجوز ويموت أراجوز

https://soundcloud.com/bassems/ihd8vsj5473r?in=bassems/sets/1jzmi2nxvs9q