الوجبة

زمان قالولنا الواحد بياكل علشان يعيش

وبين ابن آدم والبهايم الفرق واضح

أما النهارده الدنيا اسمها بقي أكل عيش

البطن سايقة والشهوة غلبت وبشكل فاضح

المخ اتتبل واتغسل واتحط جنبه ربع كبدة

وعشان مكانه مايبقي فاضي قاموا حطوا بداله معدة

طول ما البطون مايهمها إلا تكون واكلة وشاربة

واللعاب مادام يسيل علي أي حطبة

والعقول متغيبة مافيش حاجة صعبة

الحل سحري .. واسمه وجبة

عيل كبير يفرح بوجبة

غني أو فقير مفتاحه وجبة

بيزنس كبير

غداء عمل أو مؤتمر ما هو اسم حركي والأصل وجبة

عشان تعدي وأمورك تسير وزير غفير يلزمله وجبة

خرفان حمير سوقهم بوجبة

مطحون في شغله ليل مع نهار اصرفله وجبة

عين تستحي وثواب كبير اطعم بوجبة

مسجون أسير طظ في كرامته لأجل وجبة

وعشان حصانة نايب ونايبة

أصوات كتير في صندوق كبير

أسهل طريقة تجيبهم بوجبة

وان راح يزور بيت الحبايب يتقاس مقامه بوزن علبة

فساتين بدل قدام بوفيه ماليين طباق تكفي دببة

وعيون مراقبة مافي حد سايبة

بتعد اللقمة ورا كل واحد عاملينها حسبة

أجدادنا حتي بعد أما ماتوا

مانسوش يسيبوا في التربة وجبة

وان جيت تقول فوق يابن آدم

تبقي ابن **بة

سبتمبر ٢٠٢١

https://soundcloud.com/bassems/uadxzwjteomw