رسايل مسجلة
لو كان في يوم عندك حدث حزين سعيد أو مشكلة
لو كنت طالع من حكاية أفكارك منها مكعبلة
ولقيت نفسك محتاج تفضفض أو تاخد رأي في مسألة
نصيحتي ليك ارجع بلاش هاتسمع رسايل مسجلة
كل مناسبة محفوظة ليها قايمة رسايل مذهلة
قبل أما تحكي يتداس بلاي وتسمع حكم متأصلة
وتلقي الكل صبحم أساتذة وانت التلميذ أيو مريلة
عارفين كلامك قبل أما تنطق بيجاوبوا من غير أسئلة
ان كان عزيز عليك وراح والقلب م الحزن اتملي
فالقهوة سادة وانزل معاها بليستة رسايل ولولة
وان كان فرح أيوه بقي إديها حبة صهللة علي جلجلة
القطة وادبح اشكم وسيطر دي أصلها مستهبلة
مولود جديد بكرة تخاويه أيوه اربطيه وهاتي له دستة مشكلة
وييجي الطلاق نصيب وقسمة طب والعيال والبهدلة
نفسية بايظة ومين سليم ده الكل حالته بالبلا
قاعد عواطلي محتاج وظيفة ربك بيرزق زود دعائك والصلاة
تيجي الوظيفة سايس أمورك الكلب سيدك تطبيل وحبة حنجلة
وفي السياسة اعتبره أبوك سيبه يشتغل ده وراه بلاوي متلتلة
حقك ده إيه بص الكباري والطرق هي البلد مستحملة
كل الرسايل حافظينها صم وحاسة سمع متعطلة
لسه هانسمع وكمان نفكر ردودنا جاهزة مافيش ردود متفصلة
وان يوم صادفت مين يسمعك من باب الذوق والجنتلة
فأكيد مؤكد دايس ميوت ومصير كلامك في المزبلة
أغسطس ٢٠٢١
https://soundcloud.com/bassems/djov3txjjh1c